Plantun de Prouvènço

Pèr coumpara dos planto d'encò nostre

Potentilla argentea & Pilosella officinarum

Potentilla argentea

Rosaceae

Noms en français : Potentille argentée, Argentine.

Descripcioun :
Lou fragoun-argenta es uno planto bèn drecho e cuberto de péu blanc aleva lou dessubre di fueio. Aquéli d'en bas an 5 partido en cougnet, caduno emé 3 à 7 tros. Li petalo fan de 4 à 5 mm. Es uno planto coumuno subretout dins lis Aup. Coumpara emé lou fragoun-neglegi que ié sèmblo proun e qu'èi descouneigu.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Potentilla
Famiho : Rosaceae

Ordre : Rosales

Coulour de la flour : Jauno
Petalo : 5
Ø (o loungour) flour : 8 à 10 mm
Flourido : Printèms - Estiéu

Sòu : Si
Autour basso e auto : 660 à 1700 m
Aparado : Noun

Liò : Tepiero sablouso - Roucaio - Terraire safrous
Estànci : Subremediterran à Subaupen
Couroulougi : Éurasiatico
Ref. sc. : Potentilla argentea L., 1753

Peludello

Pilosella officinarum

Asteraceae Compositae

Àutri noum : Erbo-pelouso, Pelouso, Pelouseto, Erbo-dóu-gabard.

Nom en français : Piloselle.

Descripcioun :
La peludello se recounèis à si fueio di proun pelouso en roseto. Coume fai de fiéu (estouloun), se pòu vèire souvènti-fes de perterro de peludello. Pèr la destria dis autro peludello fau regarda que li fiéu dounon de fueio de mai en mai pichoto que li de la rouseto de despart à flour e mesuro que s'aluenchon.

Usanço :
Contro li bruladuro e pougnaduro de serp, quicha de fueio fresco e bouta en emplastre (M. Amir, 1998). S'utiliso despièi l'Age-Mejan pèr sougna li blessaduro (lucho contro l'enfecioun), amelioura la visioun, e contro li saunamen de nas (en poudro). De nouta qu'aquelo erbo fai de pouisoun qu'empacho lis autro de poussa.

Port : Erbo
Taio : 3 à 40 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Pilosella
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 5 à 30 mm
Flourido : Printèms - Estiéu - Autouno

Sòu : Ca
Autour basso e auto : 0 à 2800 m
Aparado : Noun
Abriéu à óutobre

Liò : Tepiero seco - Prado à jóuinis aubret
Estànci : Mesoumediterran à Subaupen
Couroulougi : Paleoutemperado
Ref. sc. : Pilosella officinarum Vaill., 1754 (= Hieracium pilosella L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Potentilla argentea & Pilosella officinarum

ges

Coumpara Fragoun(-argenta) emé uno autro planto

Coumpara Peludello emé uno autro planto